Welga kami!

"Welga kami! Patalsikin si Gloria! Welga kami! No to 300% tuition increase! Welga kami!" Para sa bayan, welga sila.

Isa pang maaaring idagdag sa blog post ni Samantha Isabel V. Coronado na "Paabot ng Diksyunaryo" ay ang U.P... bilang Unibersidad ng Protesta!! Karamihan sa mga taong nasasabihan ko na ako'y mag-aaral sa u.p., parang ganito ang sagot... "Ingat ka dun ha! Baka mkita kita sa tv nagrarally.", "Sali ka sa mga rally ha. haha", "Huy pag nakita kita sa tapat ng Mendiola babatuhin kita hahaha",. Meron naman palang dahilan..

Unang araw palang, pinatikman na kami ng luto ng aktibista. Kagabi e sinabihan ako ng pinsan ko na nakita niya ang U.P. na nasa IWitness (GMA) noong hunyo 23 yata. Isa pala sa mga pinakita doon ay ang freshman orientation na kung saan, pumasok paloob ang marami-raming aktibista at umakyat sa entablado't nagpalabas... Noon, akala ko kasama yun sa programa. Patapos na kasi noon at nagsasayaw nalang ang UP Pep Squad kaya akala ko kung anong pakulo lang ng U.P.. e yun nga, protesta na pala. “ISKOLAR NG BAYAN, NGAYON AY LUMALABAN! … NGAYON AY LUMALABAN, ISKOLAR NG BAYAN!”

Noong magbabayad rin nga pala ako para mag-enroll kasama si pascua, nakita namin may nagrarally din sa may u.p., tungkol naman sa CARP.. Noong isang araw rin, may nagrarally sa may sunken garden pero onti lang.. di ko nalang pinansin.

Kanina naman, habang nagkaklase kami sa Humanidades, may apat na taong sumingit sa oras ng guro. May sasabihin daw. Aba. tamo nga naman. Inaya kami mag rally! Medyo may kaugnayan yung mga sinabi nila sa previous post ko na "may pag-asa pa nga ba?". Ang taas-taas na daw kasi ng tuition sa state university na dapat ay sinusubsidize ng gobyerno. Tapos ung pagtaas pa ng tuition fee at kung anu-anong fees, kasabay pa ng pagtaas ng presyo ng bigas at ng gasolina.. at pag nagtaas ang gasolina, taas ang lahat.. in short, GASTOS.. Baka daw by 2010, isa nang private university ang univbersidad ng Pilipinas at ang iba pang mga state colleges and universities. Privatization nga. Samantalang dapat e lahat ng state/national universities sa mga democratic countries e subsidized ng government.. dapat.. But every rule has an exception.. at mukhang ang Pilipinas na ang magpapastar na maging "exception". Pag ganon daw nangyari, kung anu-anong kompanya nalang ang tutulong sa U.P.. hindi na ang gobyerno. BUWAGIN ANG PAMAHALAAN! ALISIN SA TRONO ANG SANHI NG KAHIRAPAN!

Kanina rin, habang naglalakad sa loob ng isang building, andun sa may entrance ang isang lalaki, may hawak na megaphone, kasama ang ibang kasamahan. Ayun. sigaw! Sumama daw kami sa gaganaping rally.. hindi na daw tama ang ginagawang pagtaas ng tuition fee at kung anu-anong bayarin (ulet). May mga nagpadrop na nga daw dahil di kinaya. Ewan. may sinulat nga daw sa dyaryo ung isang prof ng u.p. tungkol doon. so ayun. MAKIBAKA!

all things said, wala. Wala naman akong anything against pagrarally.. hindi naman mali... ewan ko kung tama... at WALA rin akong balak sumali sa ganyan. (pero sabi ni ate denise, wag magsalita ng tapos.. so..) WALA PA...
 basta! ang pagpoprotesta ay walang magagawa kapag walang bilang. At magkakabilang lang (dapat) kapag may punto ang mamomrotesta at may dapat na talagang baguhin sa pinagpoprotestahan. O ikaw, sali ka na! Ingat nalang sa tubig ng mga firetruck. Baka madulas, mabagok, mamatay. O ? edi ayos. BAYANI. namatay para sa bayan!
pweh. KALOKOHAN. namatay dahil sa maling paraan. Di isahan ang rally. Maramihan. At karaniwan, against government ito..Pero sino ba ang naghalal ng mga yan sa trono nila? ang tao. Kaya ang mag-aalis sa kanila, tao rin. Ge! Patalsikin si Gloria!!!