Pinako sa kolehiyo, namatay, inilibing.

- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

Sa loob ng apat na mahahabang taon, isang tao mula sa liblib na lugar ng Rizal ang tinapon sa isang kulungang tinatawag na San Beda - Rizal. Dito, sinanay siyang umasal leon, hari ng kagubatan - Matapang, mataas, malakas ang loob, magaling makipagkapwa-tao, marangal, tapat, makabayan, at maka-Diyos. At matapos ang apat na taong ito, binuksan ang kulungan at hinayaang matunghayan ang hiwaga ng mundong-labasan. Nakihalubilo sa mga agila, mamamana, tigre, maroons (?), tamaraw, lobo, at iba pang mga kahayupan. Ngunit sa kasamaang palad, binigo siya ng kanilang pag-aakalang maganda ang kulungang kaniyang kinalakihan (San Beda). Sa bagong lipunang kaniyang ginalawan, matapang niyang ipinakilala ang kanilang mga sarili bilang mga leon, matapang at magiting na leon. Pero hanggang doon nalang.

Siguro magsasalita na rin ako para sa lahat kung sasabihin kong ANG HIRAP NG COLLEGE. ANG HIRAP-HIRAP NG COLLEGE! Libo-libong salitang babasahin, sandamakmak na takdang aralin, maka-ubos-dugong mga problema sa Matematika, at kaleche-lecheng mga instructors (marami pang iba). O, ano?! kaya pa ba? Kasi parang ako, hindi na. Parang lang. SISIHIN ANG KULUNGAN! SISIHIN ANG SAN BEDA! 'Yan ang pangunahing scapegoat. San Beda. Bakit yung mga taga-probinsya, parang sisiw lang sa kanila ang mga exam? Samantalang akong taga-Beda, hirap na hirap sa kalechehan. Bakit alam na nila ang topic na yan? samantalang ako, nagkakandaloko-loko pa sa kakaintindi. BAKET?! "BEDA AKO! BEDA AKO! (sabi ni aaron)". SIKAT! BEDA! SIKAT! BEDA! SIKAT ANG BEDA! pero baket daig pa ako ng halos lahat!? Kasi... ang kulungan ng leon.. ay di sikat sa pagpapatalas ng utak o ng mata. Sikat lamang ito sa pakikipagtunggali. sa basketball. sa paHARIan.

o... pano? suko na? Hindi dahil taga-Beda ka, hanggang basketball nalang.

"Bakit ba kasi ako pumasa sa kurso/paaralang ito?!" Minsan tuloy, pinagsisisihan ko ang pagkapasa ko dito sa bago kong school. Na sana, nanatili nalang ako sa kulungan ng mga leon. Ewan na talaga. Pero sabi naman ng iba, kung nakaya ko daw ipasa ang exam, kaya ko rin naman daw gumraduate kung gagawin lang ang ginawang kasipagan tulad nung sa exam. E KUNG HINDE? ano, suko na?

"Ang galing nila." Ngayon, nararanasan tuloy natin ang hirap na dinanas ng ating mga magulang para lang mabigyan tayo ng sapat na makakain, pang-internet at kung ano pang gastusin. ANG GALING NILA. natiyaga nila ang punyetang factoring, inequalities, formulas at kung anu-ano pang kasiraan sa utak. ANG GALING NILA. nakakainis! bakit kaya nila, ako (tayo), hinde?! Natiyaga nilang mag-aral ng mahabang panahon..

Kahit anong kurso pa kayo - mapaCulinary, Engineering, Accountancy, Nursing, o kung ano pa yan, siguro naman ay makaaarrive tayo sa isang consensus - MAHIRAP ANG COLLEGE. Aminin na kasi. magdamayan tayo! nakakaloko! sa mga nadadalian, ge, go. congrats.

Pero kaya yan! KAYA YAN! KAYANG-KAYA! maayos na disiplina, wastong paggamit sa oras, masikap na pag-aaral, madalas na pagdarasal, kaya yan. sana. Si Pedro nga, nang palakarin ni Kristo sa tubig, lumubog. At 'yon ay dahil sa nag-alangan siya. Dahil wala siyang tiwala sa kanyang sarili at sa Panginoon. Pero hindi sya hinayaan ni Kristong malunod. Hinatak siyang pabalik. Sana ganoon din tayo.

Ewan. bat ba ko nagsusulat? Ewan rin. nawala na ko sa mood kanina pa. Basta. May lintek na long exam kasi bukas. Madali lang naman yata kasi memorization daw. Kaso... di ko maintindihan ang mga sinulat ko! Kaya wala rin ako masyadong mamememorize. Tsaka midterms na rin sa Math17 (isa sa pinakamadugo kong subject) sa Sabado. Oh well. good luck sa ating mga magmimidterms! kaya yan! kaya yan! KAYA YAN!